kavithai for tree in tamil | tree | மரம் கவிதை | maram kavithai | இயற்கை கவிதை | Nynarin Unarvugal

அங்கு இளைப்பாற வந்த

நடை வியாபாரிகள்

அதற்கு அஞ்சலி 

செலுத்திவிட்டே போனார்கள்.

அதில் கூடு கட்டியிருந்த பறவைகள்..

கீழே விழுந்திருந்த தமது

குஞ்சுகளை கவ்விகொண்டு 

வேறு இடத்திற்கு பறந்தது.

அணிலொன்று 

தன் குட்டியை தேடி

சுற்றி சுற்றி வந்தது.

கீழே விழுந்திருந்த காய்களை

துடைத்து துடைத்து தன் குட்டிக்கு 

கொடுத்துக் கொண்டிருந்தது

ஒரு குரங்கு.

குயிலிட்ட முட்டையென தெரிந்தும்

அதனை உருட்டி நகர்த்தி

பசியோடு அடைகாத்திருந்தது 

ஒரு காகம்.

தலையாட்டி கதை கேட்ட 

மரத்தை காணாமல் 

காற்று..

வேறு திசை பயணமானது.

இது எதுவும் தெரியாமல்..

பக்கத்தில் முளைத்த சுவரை இடித்து..

முன்னேறிக் கொண்டிருந்தது 

வெட்டப்பட்ட அந்த மரத்தின் வேர்.

💢💢💢💢💢💢💢💢💢

நயினாரின் உணர்வுகள்